Parzemîn Solutions Xebatên Kovarî, Zanistî û Teknîkî ya Parzemîn Solutionsê
Dimsa ku li Amed, Sêrt û Mêrdînê tê çêkirin, li herêmê ser sifteyan dixemilîne û tehmeke cuda tevli sifreyan dike. Li Sêrtê 3 hezar û 465 ton tirî tê hilberandin û nêzî 450 ton tirî jê dikin dims. Li navçeya Şîrvana Sêrtê jî li gundê Îskanboyê tê hilberandin.
Dims di rojên sar yên zivistanê de çavkaniya herî girîng a xwarinê ye. Dims li her herêma Kurdistanê bi rêbazên cuda tên çêkirin. Ji ber mînarelên dewlemend û vîtamînan li ser sifreyan jî cihê xwe girtiye.
Heta îro gelek gotin li ser dimsê hatine gotin. Her wiha bi şifaya xwe jî tê zanîn û ji aliyê doktoran ve jî bi taybetî ji bo nexweşan tê pêşniyar kirin. Dims hewcedariya kalsiyum, hesin, potasyum û magnezyumê ya rojane çareser dike. Ligel vê ji bo jinên ducanî û zarokan roleke girîng dilîze.
Li Amed, Sêrt û Mêrdînê her sal dema mahsereyan bi tonan tirî tê berhevkirin û beşeke meze a tirî jî dikin dims.
ÇAWA ÇÊDIBE
Ewil tirî tê berhev kirin. Piştre tirî tê esirandin. Piştî vê ava tirî (şîre) di sîtilan de 4 saetan tê kelandin. Her wiha divê agirê jî wê jî her tim hebe û bê navber bikele.
Dema şîre her ku çû tîr bû, dims her diçe zelal dibe.
Piştî ku dims ji ser agir hate girtin, divê rojekê bimîne û piştre bê parzûn kirin. Piştî vê jî ji bo zivistanê tê veşartin.
Li Amedê, di serî de li navçeya Erxenî, Çermûk, Hênê, Licê, Pasûr û Çunguşê tê çêkirin. Li Mêrdînê, li herêma Zinnar, gundê Akras, Omer, Mîdyad, Çiyayê Mazî û Dêrîkê tê çêkirin. Li Sêrtê li gundê Îskanboyê tê çêkirin.
Jêder: Hawarner.net – Zanist û Teknolojî