Parzemîn Solutions Xebatên Kovarî, Zanistî û Teknîkî ya Parzemîn Solutionsê
Ji ber şerê li Rojhilata Navîn bi milyonan kes cih û warê xwe hiştin û berê xwe dan deverekê ku lê bikaribin bijîn. Bi taybetî devera ku herî zêde tê xeyalkirin Ewropa ye. Ji bo hinek kesan jî tenê kurtêlek û zikê têr bes dibe. Em ê bi van 10 wêneyan aliyê herî dilsoj ê penaberiyê binêrin. 10 zarokên ku di xewa şêrîn de ne –an jî hewl didin bikevin wê xewê- bi çîroka xwe bala cîhanê dikişîne ser trajediya penaberan.
Wêne: Magnus – Wennman/Rex/Shutterstock | National Geographic
Ev Îman e, di nivînên nexweşxaneyê de radize. Ew bi giştî kêfxweş e, tevî ku bi nexweşiya pnomonî û enfeksiyona sing (sîngê) a ji du saliya xwe ya heta niha ve dijî.
Mihemedê 13 salî, hêj xeyala wî ya herî emzin e ku rojek bibe avahîsazek. Ew jî di nav nivînên nexweşxaneyê de ye. Bi eslê xwe ji Helebê ye û favoriya wî ya herî mezin jî avakirina ji nû ve ya bajarê kavilbûyî ye.
Dibe ku di nav van wêneyan de yê herî dilsoj ew be. Ralia 7 salî, Rahaf 13 salî ye û ji Şamê ne (Dimeşq) û ya xirab a niha li kuçeyên Beyrudê ligel sira zivistanê hewl didin bikevin xeweke şêrîn.
Amir jî wek panaber ji dinyayê re got merheba. Hêj 2 salî ye û dayika wî dibeje ew hêj nikare gotinekê jî bike. Dayika wê dibêje dibe ku di dema zikê de zarok travma bûye û hatiye vî halî.
Ew jî Walaayê 5 salî ye. Di dema xewê de êrîşên li Helebê tîne bîra xwe. Zarokên ku di şer de mezin bûne li şûna lîstikên xwe, bombeyên ku bariyan e bi bîr tînin. Dayika wî hewl dide ku aş bike û bibêje ku “netirse şer li vir tune.”
Mezinên Ehmedê 6 salî plan dikin ku ji destê rayedarên Macaristanê birevin, lê Ehmed xwe li ser gihayan dirêj kiriye û radize. Piştî ku bavê wî li bakurê Sûriyeyê hatiye kuştin Ehmed çenteyê xwe girt destê xwe û ligel malbata xwe dest bi vê rêwitiyê kir.
Sham yek salî ye û di hembêza diya xwe de ye. Tenê bi çend mîtroyan ji sînorê Macaristanê dûr e. Beriya rojekê ji trêna ku diçû Awisturyayê hatine peyakirin.
Lamar jî penabereke Bexdayî ye. Bombeyek li mala wan ketiye û xanî tarûmar bûye. Lêbelê ew hê jî wê rojê bi bîr tîne. Ji Tirkiyeyê derbasî Macaristanê bûye û niha li daristana sar radize.
Fara 2 salî ye. Malbata wê hezkiriyên futbolê ne. Niha bavê wê hewl dide ji bo evîna xwe qadeke pêşbirkê ava bike. An jî tiştekî din ku pê gog tê lîstin.
Mehdî bi temenê xwe sal û nîv e. Lê tenê du tişt dizane ew jî şer û pevçûn e. Gava ew radize li dora wî bi sedan penaber hewl didin ji polîsên Macaristanî bifilitin û sînor derbas bikin. Gava hilyar bû jî dê du tiştan bibîne, yek gaza rondikrêj ya din jî ava fişar e.